A është Shqipëria destinacioni i ri i investimeve? Shifrat e 2024 flasin qartë

Përveç atraktivitetit turistik, Shqipëria po shfaq një tërheqje gjithnjë e më të madhe për investitorët e huaj. Sipas të dhënave të fundit nga Banka e Shqipërisë, gjatë vitit 2024 vendi ynë ka tërhequr 1.58 miliardë euro investime të huaja direkte, duke shënuar një rritje prej 92 milionë eurosh në krahasim me vitin 2023.

Një pjesë e konsiderueshme e këtyre investimeve - 423 milionë euro - erdhën vetëm gjatë tremujorit të katërt të vitit.Shumica e këtyre fondeve kanë qenë fitime të riinvestuara nga kompanitë ekzistuese, sesa kapital të freskët.

Sektori i pasurive të paluajtshme mbeti kryesori i investimeve të huaja në 2024, me 379 milionë Euro në ekonomi. Investitorët e huaj fokusuan kryesisht në blerjen e banesave dhe bizneseve, veçanërisht në Tiranë dhe zonat turistike bregdetare.

Industria nxjerrëse dhe përpunuese në vend të dytë
Pas pasurive të paluajtshme, sektorët më tërheqës për investime të huaja qenë:

• Industria nxjerrëse (214 milionë Euro)
• Industria përpunuese (173 milionë Euro)

Holanda, Italia dhe Turqia – Investitorët kryesorë
Nëse ndajmë investimet sipas vendburimit të investitorëve:

1. Holanda – Investitorja kryesore
2. Italia – Në vend të dytë
3. Turqia – E treta në renditje