Borxhi publik në zbritje: Niveli më i ulët në një dekadë, arritur në qershor

Borxhi publik ka ndjekur një tendencë të fuqishme uljeje gjatë vitit 2024.

Sipas statistikave zyrtare të Ministrisë së Financave, gjatë periudhës janar-qershor, borxhi publik ka rënë me 3%, duke arritur nivelin më të ulët të regjistruar në një dekadë. Ministria e Financave raporton se ky është niveli më i ulët i borxhit publik në 10 vitet e fundit, ndërkohë që në vitin 2014, ky borxh ishte mbi 70%.

Të dhënat zyrtare tregojnë se në fund të muajit qershor, borxhi ka rënë në 55.72%, dhe në terma konkretë, borxhi total në fund të tremujorit të dytë është reduktuar me rreth 6 miliardë lekë.

Në raport me Prodhimin e Brendshëm Bruto (PBB), borxhi ka arritur në 55.72% të PBB-së deri në fund të qershorit, nga 58.93% në fund të vitit të kaluar. Kjo përmirësim pozitiv është ndikuar nga rritja e të ardhurave në buxhet gjatë muajve të fundit.

Vetëm në gjashtë muajt e parë të këtij viti, të ardhurat kanë arritur në 342.8 miliardë lekë, ose 7% më shumë krahasuar me të njëjtën periudhë të vitit të kaluar.

Një faktor tjetër që ka ndihmuar në kontrollin e borxhit publik është mbajtja nën kontroll e shpenzimeve buxhetore, si dhe dobësimi i euros ndaj lekut, i cili ka ndikuar në uljen e borxhit të jashtëm të qeverisë.