BSH: Rritje e çmimeve të banesave në gjysmën e parë të këtij viti

Çmimet e banesave në rang vendi u rritën me 16.9% në gjysmën e parë të vitit 2024 krahasuar me gjashtëmujorin e dytë të vitit 2023 dhe me 8% në krahasim me të njëjtën periudhë të vitit të kaluar. Ky trend tregon një rigjallërim të tregut të pasurive të paluajtshme pas një vitit me rritje të ngadaltë.

Në Tiranë, rritja ishte më e theksuar, me çmimet që u ngritën me 23.5% krahasuar me periudhën paraardhëse dhe 11% ndaj një viti më parë. Ky rritje është e lidhur kryesisht me zonat qendrore të kryeqytetit, të cilat përbënin rreth 46% të të gjitha shitjeve.

Në qytetet e tjera, çmimet e shitjeve ishin më të ulëta. Numri i përgjithshëm i pronave të shitura ra në 928, dhe numri mesatar i pronave të shitura për subjekt zbriti në 5 nga 7.

Koha mesatare e shitjes së banesave ra në 10.5 muaj nga 10.9 muaj në rang vendi, ndërsa në Tiranë u rrit në 9.7 muaj nga 8.3 muaj. Në zonat bregdetare, koha mesatare për shitjet u ul ndjeshëm në 5.9 muaj nga 10.9 muaj.

Numri i pronave të pashitura vazhdoi të bjerë, me një balancë neto pozitive që prej vitit 2016. Rritja e kredisë për banesa ka arritur në 31.6 miliardë lekë për shtatë muajt e parë të vitit, një rritje prej 17% krahasuar me të njëjtën periudhë të vitit të kaluar.

Agjentët e pasurive të paluajtshme janë optimistë për tregun në horizontin afatshkurtër dhe të gjatë, duke pritur një rritje të mëtejshme të çmimeve.