Denaj në panairin EIMA International 2024 , biseda për një bashkëpunim midis Shqipëris dhe Italisë

Ministrja e Bujqësisë dhe Zhvillimit Rural, Anila Denaj, gjatë vizitës së saj në panairin EIMA International 2024 në Bolonjë, zhvilloi një takim me Presidenten e FederUnacoma, Maria Teresa Maschio, Fabio Ricci nga FederUnacoma dhe Biagio Di Terlizzi nga CIHEAM Bari. Ata diskutuan për mundësitë e zgjerimit të bashkëpunimit mes Shqipërisë dhe Italisë, me fokus në fuqizimin e sektorit bujqësor shqiptar.

Denaj theksoi se synimi është të përfitohet nga ekspertiza e Italisë.

Ajo e bëri këtë ngjarje me dije nga pamjet që ndau në rrjete sociale.

"Synojmë të përfitojmë nga ekspertiza e Italisë, duke u fokusuar në përmirësimin e prodhimit dhe zhvillimin e kapaciteteve për një bujqësi më moderne dhe të qëndrueshme, që siguron cilësi dhe konkurrencë për produktet tona në tregjet ndërkombëtare."

"Qëllimi ynë i përbashkët është t’i japim vazhdimësi nismave që kemi ndërmarrë për përmbushjen e vizionit" - shprehu ajo në rrjete sociale.