Në kuadër të nxitjes së zhvillimit të qëndrueshëm dhe ruajtjes së trashëgimisë kulturore, ka nisur puna për projektin “Përmirësimi i Peizazhit dhe Hyrjes në Parkun Arkeologjik të Apolonisë.” Ky projekt ka për qëllim përmirësimin e përvojës së vizitorëve dhe mbrojtjen e vlerave të këtij monumenti të rëndësishëm historik.
Ndërhyrjet kryesore përfshijnë:

• Riorganizimin e parkimit dhe orientimin e hyrjeve.
• Ndërtimin e një strukture moderne shërbimi me biletari, infopoint dhe transport ekologjik.
• Rindërtimin e shtigjeve për akses më të lehtë në pikat arkeologjike.
• Përmirësimin e sinjalistikës dhe shtimin e elementeve të mobilimit urban.
• Parku Arkeologjik i Apolonisë, shpallur monument kulture që prej vitit 1948, është një nga atraksionet më të mëdha arkeologjike në Ballkan. Ky projekt premton ta bëjë këtë vend më të tërhequr nga e gjithë bota.

Në një event të organizuar për prezantimin e sondazhit mbi klimën e biznesit në Shqipëri për vitin 2024, Zv.Ministri Enkelejd Musabelliu vlerësoi progresin e bërë në krijimin e një mjedisi më të favorshëm për bizneset në vend.

Sondazhi, i realizuar nga Shoqata e Investitorëve të Huaj në Shqipëri (FIAA), Dhoma e Tregtisë Italiane në Shqipëri, Confindustria Albania dhe Shoqata e Biznesit Grek në Shqipëri, sjell rezultate inkurajuese, duke treguar përmirësim të ndjeshëm krahasuar me vitin 2023.

Disa nga pikat kryesore të raportit përfshijnë:

• Rënie të nivelit të perceptimit të korrupsionit – një hap i rëndësishëm drejt krijimit të besimit tek investitorët e huaj dhe vendas.
• Ulja e informalitetit – një tregues i forcimit të ekonomisë formale dhe rritjes së konkurueshmërisë.
• Përmirësim në transparencën e qeverisë – duke krijuar një qasje më të hapur dhe të drejtë në marrëdhëniet qeveri-biznes.
• Rritje të efikasitetit në zbatimin e ligjit – duke ofruar një mjedis më të sigurt dhe të parashikueshëm për investitorët.

Zv.Ministri Musabelliu theksoi rëndësinë e vazhdimit të këtij progresi dhe bashkëpunimit me partnerët ndërkombëtarë për të garantuar zhvillimin e qëndrueshëm ekonomik dhe forcimin e imazhit të Shqipërisë si një destinacion atraktiv për investime.

Këto rezultate janë dëshmi e përpjekjeve të përbashkëta midis institucioneve shtetërore dhe sektorit privat për të adresuar sfidat dhe për të përmirësuar kushtet për biznes në vend.

Sot u zhvillua konferenca COP 29 në kuadër të OKB-së për Ndryshimet Klimatike.Vitet e fundit problemet klimaterike janë bërë një fenomen i cili ka prekur njerëz dhe biznese në mbarë globin.COP 29 mbledh liderët nga qeveri të ndryshme , komunitete , biznese etj për të shtruar një zgjidhje për këtë problematikë.

Kjo konferencë ka në fokus mbrojten e mjedisit nga element të ndryshëm si emetimet gazeve serrë dhe po ashtu dhe mbrojtjen e jetesës nga problematikat e mëtejshme që mund të shfaqen gjatë vitet në vijim në lidhje me klimën.

Kjo konferencë do të vlej po ashtu dhe për planet që do të paraqisin vendet në lidhje me veprimet që do të ndërmerren në këtë problematikë sipas marrëveshjes së Parisit, planet duhen të jenë gati deri në fillim të vitit 2025

Një lajm tjetër i mirë është që në ambientet e kësaj konference u nënshkura një marrëveshje e Korporatës Elektroenergjetike Shqiptare(KESH) dhe gjigandit energjitik të Emirateve të Bashkuara, Masdar në lidhje me një kompani të përbashkët publike që do të investoj në Shqipëri e rreth rajonit.

“Kjo kompania emiratase operon prej kohësh në Ballkan, por tashmë ka vendosur një bashkëpunim të qenësishme me Korporatën Elektroenergjetike Shqiptare, krijimin e një kompanie të përbashkët e cila do të investojë në të gjithë zonën e Ballkanit Perëndimor, por mbi të gjitha në Shqipëri”, shprehu Balluku.