Euro rritet , shkon 100 lekë

Monedha evropiane ka fituar pikë kundrejt Lekut pas muajsh zhvlerësimi, duke u këmbyer me 100 Lekë sipas kursit zyrtar të Bankës së Shqipërisë në fund të janarit. Kjo përfaqëson një rritje prej tre pikësh krahasuar me fillimin e muajit, kur Euro arriti në 97.87 Lekë.

Përveç Euros, edhe dollari amerikan dhe paundi britanik kanë shënuar rritje. Në tregun privat valutor, Euro këmbehet me 99.3 Lekë, rreth dy pikë më shumë se një javë më parë.

Prej gushtit, monedha evropiane ka mbetur nën nivelin e 100 Lekëve për një periudhë të gjatë, me vlerën më të ulët të regjistruar më 26 shtator 2024, kur u këmbye me 97.97 Lekë. Sipas analizave të Bankës së Shqipërisë, rritja e flukseve të Euros në treg lidhet me eksportin e shërbimeve, turizmin dhe investimet e huaja në pasuri të paluajtshme.

Për të stabilizuar monedhën, Banka e Shqipërisë ka ndërhyrë në treg gjatë vitit të kaluar dhe synon të blejë 270-350 milionë Euro gjatë 2025 përmes ankandeve.