Goxhobelli : Partneriteti me BE është kryesor për modernizimin e Kadastrës

Drejtoresha e Përgjithshme e ASHK-së, Znj. Lorena Goxhobelli, ishte e pranishme në takimin e Komitetit Drejtues të Programit “BE për të Drejtën e Pronësisë”, një iniciativë e financuar nga Bashkimi Evropian, e cila ka për qëllim përmirësimin e të drejtave pronësore dhe modernizimin e shërbimeve kadastrale në Shqipëri.

Ky projekt ka për qëllim të përmirësojë efikasitetin dhe transparencën në reformën e menaxhimit të pronave dhe shërbimeve kadastrale në Shqipëri, duke forcuar njëkohësisht garantimin e të drejtës së pronësisë për qytetarët.

Prioritetet kryesore të ASHK-së:

• Digjitalizimi i kadastrës për një sistem më të shpejtë dhe të sigurt.
• Përmirësimi i të dhënave për të korrigjuar pasaktësitë dhe konfliktet e trashëguara.
• Finalizimi i regjistrimit fillestar për të garantuar sigurinë ligjore të pronës.
• Ri-inxhinierizimi i proceseve për shërbime më të aksesueshme për qytetarët dhe bizneset.

"Me mbështetjen e Bashkimit Evropian, ky transformim nuk është vetëm një përmirësim teknik, por një reformë e thellë që ndikon drejtpërdrejt në sektorë strategjikë si bujqësia, turizmi dhe menaxhimi i tokës."