Në një takim të rëndësishëm me Misionin e Bankës Botërore, u shqyrtua projekti madhor “Qëndrueshmëria ndaj Klimës dhe Zhvillimit të Bujqësisë,” i cili synon transformimin dhe modernizimin e sektorit bujqësor në Shqipëri. Me një buxhet prej rreth 65 milionë euro, ky projekt pritet të sjellë një ndikim të ndjeshëm në zhvillimin e bujqësisë, duke adresuar sfidat kryesore dhe duke krijuar mundësi të reja për fermerët shqiptarë.

Prioritetet kryesore të projektit përfshijnë:

Modernizimi i sistemeve të ujitjes dhe kullimit: Përmirësimi i infrastrukturës ekzistuese për të garantuar menaxhimin efikas të ujërave dhe për të rritur kapacitetet e prodhimit.

• Krijimi i “Clustereve” për Vaj Ulliri dhe Fruta-Perime: Synohet rritja e standardeve të eksportit dhe përmirësimi i marketingut për vajin e ullirit si një produkt “Premium,” duke e pozicionuar atë në tregjet ndërkombëtare.
• Qendrat Ushqimore për tregjet HoReCa: Hapja e qendrave për grumbullimin, përpunimin, paketimin dhe shpërndarjen e produkteve bujqësore, duke i dhënë një hov të ri integrimit në zinxhirin e vlerës.
• Dixhitalizimi i bujqësisë: Përdorimi i teknologjive të avancuara për të optimizuar prodhimin bujqësor, duke sjellë më shumë efikasitet dhe transparencë në këtë sektor.
• Rritja e sigurisë ushqimore: Implementimi i masave për të garantuar standardet më të larta të sigurisë për produktet që konsumohen brenda vendit dhe eksportohen.
• Modernizimi i Pikave të Kontrollit Kufitar: Krijimi i kapaciteteve moderne për të përmirësuar inspektimin dhe garantimin e cilësisë së produkteve bujqësore.

Ky projekt përfaqëson një hap të rëndësishëm drejt zhvillimit të një bujqësie të qëndrueshme dhe moderne, duke përmirësuar produktivitetin, cilësinë dhe konkurrueshmërinë e produkteve “Made in Albania.”

Zbatimi i këtyre masave jo vetëm që do të ndihmojë në forcimin e ekonomisë rurale, por gjithashtu do të kontribuojë në përballimin e sfidave të ndryshimeve klimatike dhe zhvillimit të qëndrueshëm, duke përmirësuar standardet e jetesës për fermerët dhe komunitetet bujqësore në të gjithë vendin.

Në kuadër të nxitjes së zhvillimit të qëndrueshëm dhe ruajtjes së trashëgimisë kulturore, ka nisur puna për projektin “Përmirësimi i Peizazhit dhe Hyrjes në Parkun Arkeologjik të Apolonisë.” Ky projekt ka për qëllim përmirësimin e përvojës së vizitorëve dhe mbrojtjen e vlerave të këtij monumenti të rëndësishëm historik.
Ndërhyrjet kryesore përfshijnë:

• Riorganizimin e parkimit dhe orientimin e hyrjeve.
• Ndërtimin e një strukture moderne shërbimi me biletari, infopoint dhe transport ekologjik.
• Rindërtimin e shtigjeve për akses më të lehtë në pikat arkeologjike.
• Përmirësimin e sinjalistikës dhe shtimin e elementeve të mobilimit urban.
• Parku Arkeologjik i Apolonisë, shpallur monument kulture që prej vitit 1948, është një nga atraksionet më të mëdha arkeologjike në Ballkan. Ky projekt premton ta bëjë këtë vend më të tërhequr nga e gjithë bota.

Në një event të organizuar për prezantimin e sondazhit mbi klimën e biznesit në Shqipëri për vitin 2024, Zv.Ministri Enkelejd Musabelliu vlerësoi progresin e bërë në krijimin e një mjedisi më të favorshëm për bizneset në vend.

Sondazhi, i realizuar nga Shoqata e Investitorëve të Huaj në Shqipëri (FIAA), Dhoma e Tregtisë Italiane në Shqipëri, Confindustria Albania dhe Shoqata e Biznesit Grek në Shqipëri, sjell rezultate inkurajuese, duke treguar përmirësim të ndjeshëm krahasuar me vitin 2023.

Disa nga pikat kryesore të raportit përfshijnë:

• Rënie të nivelit të perceptimit të korrupsionit – një hap i rëndësishëm drejt krijimit të besimit tek investitorët e huaj dhe vendas.
• Ulja e informalitetit – një tregues i forcimit të ekonomisë formale dhe rritjes së konkurueshmërisë.
• Përmirësim në transparencën e qeverisë – duke krijuar një qasje më të hapur dhe të drejtë në marrëdhëniet qeveri-biznes.
• Rritje të efikasitetit në zbatimin e ligjit – duke ofruar një mjedis më të sigurt dhe të parashikueshëm për investitorët.

Zv.Ministri Musabelliu theksoi rëndësinë e vazhdimit të këtij progresi dhe bashkëpunimit me partnerët ndërkombëtarë për të garantuar zhvillimin e qëndrueshëm ekonomik dhe forcimin e imazhit të Shqipërisë si një destinacion atraktiv për investime.

Këto rezultate janë dëshmi e përpjekjeve të përbashkëta midis institucioneve shtetërore dhe sektorit privat për të adresuar sfidat dhe për të përmirësuar kushtet për biznes në vend.