Hapësirat për hotele dhe biznese në rënie, zyra dhe kullat po shtohen

Ekonomia po rrit lidhjet me sektorin e ndërtimit, pavarësisht shenjave të ngadalësimit të shitjeve dhe stabilizimit të çmimeve.

Sipërfaqja e re e planifikuar për ndërtim në gjysmën e parë të vitit 2024 ka shënuar një rritje prej 12%, me trende të reja në llojet e ndërtimeve. Ndërsa sipërfaqet për hotele kanë rënë me 32%, ato për "Rezidenca për komunitetet" dhe zyra kanë parë rritje të fortë.

Sipas INSTAT-it, në janar-qershor 2024 u dhanë 42 mijë metra katrorë për hotele, dhe 2265 metra katrorë për zyra, me rritje prej 244%. Ndërkohë, sipërfaqet për qëllime tregtare dhe industriale kanë pësuar rënie.

Rreth 55% e sipërfaqes së re të dhënë për ndërtim është për lejet në Tiranë, ku lejet për kulla shumëkatëshe kanë nxitur një rritje prej 301% në këtë kategori.

Janë të paktën 8 projekte për kulla deri në 65 kate, dhe një projekt për një kullë 100-katëshe ende pa leje zhvillimi. Kullat po përhapen edhe në zonat më periferike të Tiranës, si dhe një projekt tjetër në zonën e Kasharit parashikon një kompleks rezidencial me 27 kate.