Hapësirë e re për investitorët: Ligji për Investimet Strategjike zgjatet me 2 vite

Zgjatja me 2 vite e afatit të Ligjit për Investimet Strategjike pritet të sjellë një rritje prej 2.7 miliardë euro në investimet për zhvillimin ekonomik të vendit, si dhe të krijojë mbi 24 mijë vende të reja pune.

Ministri Gonxhja e shprehu në rrjete sociale duke shprehur dhe se afati i përfitimit strategjik është shtyr deri më 31 dhjetorë 2026.

Ky ligj sjell:

Monitorim më të rreptë të projekteve për më shumë siguri dhe zbatim

Kuadër ligjor të përmirësuar për më shumë transparencë dhe efikasitet

Mbështetje të dedikuar për investitorët e huaj dhe vendas

Sektorët e turizmit pëfitues janë turizmi ku 75% e vlerës vijnë nga investitorë strategjik dhe energjia me infrastrukturën.

"Ky ligj, jo vetëm që krijon një klimë më të favorshme për investitorët, por edhe forcon perspektivat e zhvillimit ekonomik të vendit. Me një kuadër të përmirësuar ligjor dhe një angazhim të shtuar për transparencë dhe efikasitet, Shqipëria vazhdon të jetë një destinacion konkurrues për investimet strategjike"