Investimet e huaja në nivele të larta : Fokusi tek pasurit e paluajtshme

Sipas Bankës së Shqipërisë, investimet e huaja direkte për tremujorin e parë të vitit arritën në 354 milionë euro, një rekord historik për këtë periudhë. Ky nivel përfaqëson një rritje prej 15.3% krahasuar me të njëjtën periudhë të vitit të kaluar.

Sipas Bankës së Shqipërisë, investimet e huaja direkte për tremujorin e parë të vitit arritën në 354 milionë euro, një rekord historik për këtë periudhë. Ky nivel përfaqëson një rritje prej 15.3% krahasuar me të njëjtën periudhë të vitit të kaluar.

Gjatë tremujorit të parë të vitit 2024, 23% e investimeve të huaja direkte ishin në pasuri të paluajtshme, 21% në sektorin e ndërmjetësimit financiar, 13% në hidrokarbure, 5% në energjetikë dhe 5% në komunikacion.

Rritja e fitimeve të riinvestuara lidhet edhe me forcimin e lekut në kursin e këmbimit. Fitimet e ndërmarrjeve me kapital të huaj janë kryesisht në lekë, ndërsa bilanci i pagesave raportohet në euro, duke bërë që rënia e kursit të këmbimit të rrisë vlerën statistikore të fitimeve të riinvestuara. Forcimi i lekut ka krijuar një cikël të pashmangshëm: rritja e investimeve të huaja ndikon në rritjen e vlerës së monedhës vendase, dhe kjo rritje e vlerës së monedhës krijon një përafërsi artificiale në vlerat statistikore të investimeve të huaja.

Tendencat e viteve të fundit tregojnë një rritje të vazhdueshme të investimeve të huaja direkte, mbështetur sidomos nga sektori i pasurive të paluajtshme dhe fitimet e larta të riinvestuara në sektorë të ndryshëm të ekonomisë, përfshirë industrinë nxjerrëse të hidrokarbureve dhe sektorin financiar.