Kompania "SENA SOLAR ENERGY OF ALBANIA" SH.P.K, pjesë e KESH-it, ka dorëzuar në MIE aplikimin për një impiant fotovoltaik 13.8 MW që do të ndërtohet në Vaun e Dejës.

Shoqëria "SENA SOLAR ENERGY OF ALBANIA" SH.P.K. ka paraqitur një aplikim pranë Ministrisë së Infrastrukturës dhe Energjisë për ndërtimin e një impianti fotovoltaik me kapacitet 13.8 MW. Ky impiant do të prodhojë energji elektrike nga burime të rinovueshme dhe nuk do të përfitojë nga masat mbështetëse. Vendndodhja e tij është në rezervuarin e HEC Vau i Dejës, në Bashkinë Vau i Dejës, Qarku Shkodër.

Afati për dërgimin e komenteve në Ministrinë e Infrastrukturës dhe Energjisë është 15 ditë nga data e publikimit të njoftimit në faqen zyrtare: www.infrastruktura.gov.al.

Projekti pritet të financohet nga një kredi e Bankës Europiane për Rindërtim dhe Zhvillim, e cila tashmë është miratuar, ndërsa një pjesë e kostos do të mbulohet nga kompania publike.

KESH ka qenë e angazhuar në projekte të energjisë fotovoltaike për të optimizuar prodhimin në kaskadën e Drinit, e cila është tërësisht hidro. Impianti i Qyrsaqit ka filluar prodhimin më herët dhe regjistroi 7019 MWH energji në vitin e parë.