Kredia në lekë shënon rritje prej 4% në vitin e kaluar, njofton BSH

Sipas raportit të Bankës së Shqipërisë, gjatë vitit të shkuar kredia në lekë ka rritur peshën e saj në totalin e kredisë në 53.7%, me një rritje prej 4%. Portofoli i kredisë në valutë ka regjistruar një zvogëlim, ndikuar nga ndryshimet në kursin e këmbimit.

Monedha europiane ka përjetuar ndryshime të ndjeshme me një dobësim prej rreth 13 pikë gjatë vitit të kaluar. Struktura e kredisë sipas sektorëve tregon një orientim të fortë drejt bizneseve. Sektorët më të kredituar janë "Tregtia me shumicë dhe pakicë , riparimi i automjeteve dhe motoçikletave" (30.3% të portofolit), ndjekur nga sektori i ndërtimit (17.3%) dhe industria përpunuese (12.4%).

Sektori i tregtisë ka qenë një nga sektorët më të mbështetur nga bankat. Kreditimi për individë ka treguar një rritje me 23 miliardë lekë, ndërsa kredia huamarrëse për sektorin publik ka shënuar një rënie me 8.4 miliardë lekë gjatë të njëjtës periudhë.