Kredia për banesë shënoi një rritje të konsiderueshme në muajin prill.

Sipas të dhënave të Bankës së Shqipërisë, sektori bankar shpërndau afërsisht 4.9 miliardë lekë kredi të reja për shtëpi gjatë muajit prill, duke rritur me 52% në krahasim me prillin e vitit të kaluar.

Kredia e re për shtëpi nga sektori bankar arriti në 17.9 miliardë lekë për gjithë 4-mujorin, duke u rritur me pothuajse 16% në krahasim me të njëjtën periudhë të një viti më parë.

Rritja e kredisë për shtëpi po ndjek një rrugë drejt monedhës vendase në një masë gjithnjë e më të madhe, me 72% të kredisë së dhënë për shtëpi gjatë muajve të parë të këtij viti të shoqëruar në monedhën vendase.

Kredia e re në lekë ka shënuar një rritje prej 125% krahasuar me të njëjtën periudhë të vitit të kaluar në 4-mujorin e par. Ndërkohë, kredia në euro ka pësuar një zvogëlim të shpejtë dhe është përgjysmuar pothuajse gjatë katër muajve të parë të këtij viti.

Portofoli aktiv i kredisë për blerjen e banesave ka arritur tashmë vlerën e afërsisht 190 miliardë lekëve, duke u rritur me 10.6% në vit . Ky portofol përbën rreth 26% të kredisë totale për ekonominë shqiptare.

Kredia e dhënë nga sektori bankar mbetet një mbështetje kryesore për kërkesën në tregun e pasurive të paluajtshme.

Përqindja e pronave të blera me kredi bankare në 6-mujorin e dytë të vitit të kaluar ka arritur në 60%, nga 40% në 6-mujorin e parë të vitit, sipas vrojtimit të tregut të pasurive të paluajtshme nga Banka e Shqipërisë.

Normat relativisht të ulëta të interesit vazhdojnë të tërheqin shqiptarët, si dhe blerësit jorezidentë, drejt investimeve në pasuri të paluajtshme. Kërkesa për pronat në bregdet vazhdon të jetë e lartë, veçanërisht për shkak të rritjes së turizmit në vitet e fundit.

Çmimet e banesave në gjashtëmujorin e dytë të vitit të kaluar pësuan një rënie prej 7.6% krahasuar me gjysmën e parë të vitit. Megjithatë, çmimet rezultuan ende në rritje në bazë vjetore, por shkalla e rritjes vjetore u ngadalësua në 3.2%, nga 16.6% në fund të vitit 2022.

Indeksi i çmimeve për pronat e shitura në Tiranë shënoi një rënie prej 10.1% në krahasim me 6-mujorin e parë të vitit, ndërsa ishte vetëm pak më i lartë në krahasim me vitin e kaluar të njëjtë.