Më 3 maj, qyteti bregdetar i Himarës hyri në histori duke organizuar spektaklin e parë pyroteknik mbi det në Shqipëri. Nën qiellin e natës dhe përballë ujërave të qeta të Jonit, një shfaqje magjike me dritë, tinguj dhe ngjyra mbushi hapësirën me emocion dhe solli një atmosferë të papërsëritshme për qindra pjesëmarrës.

Fuqia e eventeve kulturore në promovimin e turizmit

Ky event nuk është vetëm një sukses estetik, por një hap i rëndësishëm për të orientuar Shqipërinë drejt një turizmi më kreativ dhe ndërkombëtar. Shembulli i festivalit të famshëm të fishekzjarrëve në Cannes, Francë – i cili çdo verë mbledh trupa arti-pyroteknike nga e gjithë bota, tërheq mijëra vizitorë dhe ekspozon qytetin në mediat ndërkombëtare – tregon fuqinë që kanë këto evente për të promovuar një destinacion. Cannes, përmes këtij festivali, ka krijuar një identitet të fortë kulturor dhe turistik, i njohur përtej kufijve të Francës.

Himara si portë e re drejt turizmit modern evropian

Në të njëjtën frymë, Himara, përmes këtij hapi të parë, jep një mesazh të qartë: “Shqipëria është gati të ofrojë përvoja të jashtëzakonshme dhe të jetë pjesë e skenës moderne evropiane të eventeve. Ngjarje të tilla rrisin profilin e vendit, tërheqin vëmendjen e mediave dhe krijojnë mundësi konkrete për zhvillim ekonomik lokal – nga akomodimi dhe gastronomia, deri te promovimi ndërkombëtar i destinacioneve tona.”

Vizioni që ndezi dritat e para mbi det

Falë vizionit të Bashkisë së Himarës dhe Kryetarit të saj Z. Vangjel TAVO, Shqipëria hodhi një hap të guximshëm drejt një imazhi të ri dhe dinamik. Dhe ndërsa të tjerë mund të ndjekin këtë rrugë në të ardhmen, historia do të kujtojë se ishte Himara që nisi e para.

Ministrja e Bujqësisë dhe Zhvillimit Rural, Anila Denaj, së bashku me kreun e grupit parlamentar Bledi Çuçin dhe kryetarin e Bashkisë Sarandë, Oltion Çaçi, morën pjesë në një takim me operatorët kryesorë të turizmit në Sarandë, ku u diskutua mbyllja e sezonit turistik veror. Ky vit ka qenë më i suksesshëm krahasuar me atë të mëparshëm, jo vetëm në aspektin e rritjes së numrit të turistëve, por edhe në përmirësimin e standardeve të shërbimit.

Gjatë takimit, Ministrja Denaj dhe zyrtarët e pranishëm falënderuan operatorët turistikë për përkushtimin dhe punën e tyre gjatë gjithë vitit, duke nënvizuar rëndësinë e bashkëpunimit të ngushtë midis qeverisë dhe sektorit privat për të garantuar një përvojë të shkëlqyer për vizitorët.

Në vijim, Denaj theksoi se Saranda do të mbetet një nga destinacionet kryesore të Shqipërisë dhe do të ketë gjithmonë vëmendjen e duhur nga qeverisja qendrore dhe lokale. Ajo premtoi më shumë investime dhe politika zhvillimore për këtë zonë, me synim për ta bërë atë gjithnjë e më tërheqëse për turistët vendas dhe të huaj, duke garantuar zhvillim të qëndrueshëm dhe të qëndrueshëm ekonomik për komunitetin lokal.

Në Tiranë , gjatë Konferencës Ndërkombëtare të Central European Initiative me temën “Turizmi në Evropën Lindore dhe Juglindore – Shtigje të Reja të Zhvillimit”, një aktivitet që trajton sfidat dhe zgjidhjet për të ardhmen e turizmit në rajon, organizuar nga Agjencia Kombëtare e Turizmit dhe Ministria e Turizmit dhe Mjedisit.

Gjatë fjalës së saj hapëse, ministrja e Turizmit dhe Mjedisit, Mirela Kumbaro, vuri në dukje se kjo konferencë po zhvillohet në Tiranë, në kuadër të Ditës Botërore të Turizmit, e cila këtë vit festohet nën moton “Turizmi dhe Paqja”.

“Turizmi jo thjesht si sektor ekonomik, por turizmi si një motor emancipimi, si një mundësi për të shkëmbyer kulturalisht, njerëzisht edhe ekonomikisht, kontribuon në hapjen e mendjes dhe duke u takuar më shumë, sidomos përmes kënaqësisë, kontribuojmë edhe në paqe sado pak e mundur të duket në kohëra të vështira si këto që po kalon planeti”, u shpreh ministrja Kumbaro.

“8.5 milionë vizitorë të huaj erdhën deri në muajin gusht duke shënuar 20% më shumë se një vit më parë. E shprehur në shifra ekonomike, kemi 23% më shumë të të ardhurave që kanë hyrë në ekonomi nga sektori i turizmit për gjashtë muajt e parë të vitit”, theksoj minsitrja Kumbaro.

Ministrja Kumbaro deklaroi gjatë konferencës se Shqipëria është në rrugën e realizimit të ëndrrës për t’u bërë lider në turizmin ballkanik, duke theksuar se projektet e nisura një dekadë më parë tashmë po konkretizohen dhe po shndërrohen në realitet.

Ministrja shtoi se pas pandemisë Covid-19, filozofia e udhëtimit ka evoluar, pasi njerëzit preferojnë të vizitojnë më shumë vende dhe atraksione brenda qëndrimeve më të shkurtra. Për këtë arsye, koordinimi në këtë drejtim është bërë veçanërisht i rëndësishëm.

“Çdo turist do të marrë maksimumin, do që brenda javës të vizitojë edhe Krocainë, edhe Malin e Zi, edhe Greqinë, edhe Shqipërinë. Prandaj koordinimi mes nesh është shumë i rëndësishëm dhe i bën mirë sektorit, ekonomisë së vendeve tona, por për t’u kthyer tek tema, i bën mirë paqes edhe prosperitetit në vendet tona”, u shpreh ministrja.

Ministrja Kumbaro theksoi gjithashtu se Shqipëria, nën sloganin “Albania All Senses”, ofron përvoja unike dhe të reja për vizitorët. Më pas ajo përmendi se këtë vit Shqipëria ka marrë pjesë në panaire të mëdha të turizmit dhe ka qenë qendër për konferenca të rëndësishme ndërkombëtare, duke arritur kulmin me titullin “Vendi i Nderit” në Panairin më të madh të turizmit në botë, “ITB Berlin”. Në përfundim të fjalës së saj, Kumbaro ftoi të pranishmit të eksplorojnë Tiranën dhe të përjetojnë të gjitha shijet dhe ndjesitë që ajo ofron.