Kryeministri prezanton përparimin e punimeve në aksin Elbasan-Qaf Thanë

Paraditen e sotme, Kryeministri i vendit shpërndau përmes rrjeteve sociale pamje nga kantieri i zgjerimit të rrugës Elbasan-Qaf Thanë, një projekt kyç për infrastrukturën kombëtare.

Punimet për fazën e dytë po avancojnë me ritme të shpejta, ndërsa deri më tani janë përfunduar shpimi dhe betonimi i 400 pilotave, një fazë e rëndësishme e ndërtimit.

Ky aks rrugor, pjesë e Korridorit VIII, është një ndër rrugët më të rëndësishme në vend. Ai do të lidhë qytetet kryesore si Durrësin, Elbasanin, Librazhdin dhe Qaf Thanën, duke shërbyer si një urë për të vazhduar më tej drejt Maqedonisë së Veriut dhe Bullgarisë, çka pritet të rrisë ndjeshëm lidhjen dhe bashkëpunimin rajonal.

"Kantieri për zgjerimin e rrugës Elbasan-Qafë Thanë, faza 2, po punohet me ritme të mira, ku aktualisht ka përfunduar shpimi dhe betonimi i 400 pilotave, ndërkohë që po vijon puna për realizimin e mbrojtjes lumore dhe për ndërtimin e veprave të artit dhe mureve mbajtëse

Aksi rrugor Elbasan-Qafë Thanë është pjesë e Korridorit VIII dhe konsiderohet një nga më të rëndësishmit në vend, rrugë e cila do të lidhë Durrës–Elbasan–Librazhd – Qafë Thanë, për të vazhduar më tej në Maqedoninë e Veriut dhe Bullgarinë" , shprehu Edi Rama