Puna për rikonstruksionin e nënstacionit elektrik të Lezhës ka nisur

Ka filluar procesi i rikonstruksionit të nënstacionit elektrik në Lezhë, një ndërhyrje thelbësore për të përmirësuar infrastrukturën energjetike të zonës. Ky projekt synon të dyfishojë kapacitetet e nënstacionit, duke iu përgjigjur nevojave në rritje të zhvillimit ekonomik dhe social të këtij rajoni.

Investimi përfshin ndërtimin e rrjetit të tensionit të mesëm dhe atij të ulët, duke kontribuar në eliminimin e ndërprerjeve të energjisë shkaktuar nga defektet. Kjo do të çojë gjithashtu në uljen e humbjeve në rrjet dhe përmirësimin e sigurisë teknike të furnizimit me energji elektrike.

Ekspertët parashikojnë që projekti të jetë plotësisht funksional në muajt e parë të vitit të ardhshëm, një arritje e rëndësishme që do të ndikojë pozitivisht në cilësinë e shërbimit për banorët dhe bizneset e Lezhës. Ky rikonstruksion është një hap i rëndësishëm drejt modernizimit të infrastrukturës energjetike, duke garantuar një furnizim më të sigurt dhe efikas me energji elektrike.

“Investim i kapaciteteve në nënstacion, jo vetëm për të akomoduar të gjitha nevojat e qytetit, edhe ato të zonës së Shëngjinit duke pasur parasysh se ka një kërkesë të shtuar”, shprehu Balluku

“Kemi patur një Verë sfiduese. Javën e 3 dhe të 4 të Korrikut dhe më pas javën e 1 dhe të 2 të Gushtit, 28 milionë kilovat/orë të cilat duheshin shpërndarë sidomos edhe në zona të caktuara”. tha ajo gjithashtu