Rënia e inflacionit: 2.1% në qershor, niveli më i ulët në tre vite

Në mbledhjen e fundit, Banka e Shqipërisë uli normën bazë të interesit me 0.25%, për herë të parë që nga marsi 2022.

Banka e Shqipërisë synon të ruajë stabilitetin e inflacionit përmes normës bazë. Kur inflacioni tregon një tendencë rritjeje, banka rrit normën e interesit dhe anasjelltas.

INSTAT njoftoi se ndryshimi vjetor i indeksit të çmimeve të konsumit në qershor 2024 ishte 2.1%, krahasuar me 4.5% në të njëjtin muaj të vitit të kaluar.

Në qershor, çmimet ishin rreth 2% më të shtrenjta në krahasim me qershorin e vitit të kaluar.

Që prej shkurtit të këtij viti, inflacioni ka rënë poshtë objektivit të Bankës së Shqipërisë prej 3%, larg nivelit prej 8.3% të arritur në tetor 2022. Banka e Shqipërisë, në mbledhjen e një jave më parë, vendosi të zbusë politikën monetare për herë të parë që nga fillimi i vitit 2022.

Sipas Bankës, rënia e inflacionit në tremujorin e dytë ishte relativisht e shpejtë, e ndikuar nga rritja e ofertës së artikujve ushqimorë në tregjet rajonale dhe vendase.

Efektet e kësaj rënieje në inflacion pritet të jenë të pranishme edhe gjatë pjesës së mbetur të vitit.