Rënie në prodhimin e energjisë, ulje e humbjeve në rrjet, dhe arkëtime të plota prej 100%

Gjatë gjashtë muajve të parë të këtij viti, janë prodhuar rreth 4.3 milion MWh energji nga të gjitha burimet gjeneruese në vend. Ky është një ulje krahasuar me vitin e kaluar, kur u prodhuan rreth 5 milion MWh energji për të njëjtën periudhë.

Sipas të dhënave nga Enti Rregullator i Energjisë, hidrocentralet private kontribuuan me 51% të energjisë totale, ndërsa Kaskada e Drinit gjeneroi 49% të saj. Prodhimi nga centralet fotovoltaike ka vazhduar, edhe pse sasia e energjisë së gjeneruar është shumë më e ulët në krahasim me atë nga burimet hidrike. Megjithatë, krahasuar me vitin e kaluar, ka një rritje të ndjeshme për shkak të fillimit të prodhimit nga Parku i Karavastasë.

Sipas të dhënave nga ERE, impiantet në tregun e lirë prodhuan gjithsej 21,135 MWh energji, ndërsa centrali i Karavastasë prodhoi 135,653 MWh, që përbën 3.1% të energjisë totale të gjeneruar në vend.

Konsumi total i energjisë për gjashtëmujorin arriti në rreth 4 milion MWh, një nivel pothuajse të njëjtë me atë të vitit të kaluar për periudhën janar-qershor.

Niveli i humbjeve në rrjetin e shpërndarjes për këtë periudhë ishte 17.69%, duke shënuar një përmirësim të lehtë krahasuar me 19.88% që ishin në të njëjtën periudhë të vitit të kaluar.