Roli i kreditimit në zhvillimin ekonomik: Analiza e performancës pozitive

Në vitet e fundit, kreditimi në ekonominë shqiptare ka vijuar të rritet me shifra tepër pozitive, sipas raporteve të Bankës së Shqipërisë. Vetëm gjatë vitit 2023, kreditimi në total rezultoi në një rritje prej 12%, një progres i cili vijoi edhe gjatë 3-mujorit të parë të këtij viti sipas Guvernatorit të Bankës së Shqipërisë, Gent Sejko.

"Situata e fundit e kreditimit në Shqipëri është shumë premtuese," theksoi Sejko. "Vetëm gjatë vitit të fundit, kemi parë një rritje të kreditimit në total rreth nivelit 12%, ndërsa kredia për biznesin privat është rritur në nivelin 8% në 2023-in. Tre-mujori i parë i këtij viti vazhdoi me tendencën pozitive, duke shënuar një rritje të kredive me 12%. Janë shifra premtuese dhe rezultat i përpjekjeve të bankave dhe sistemit bankar për të mbështetur ekonominë tonë."

Ministri i Financave, Ervin Mete, gjithashtu u shpreh për nevojën për një angazhim më të madh të sektorit bankar për sa i përket kreditimit dhe mbështetjes së ekonomisë.

"Ky sektor duhet të jetë më aktiv në kreditim dhe mbështetje të ekonomisë," theksoi Mete. "Veçanerisht për sektorët që kanë qenë dhe mbeten në nevojë të veçantë. Duhet të kushtohet vëmendje e posaçme alokimit të fondeve drejt sektorëve me produktivitet, duke përdorur praktika të aplikuar tashmë në vendet evropiane."

Banka e Shqipërisë dhe Ministria e Financave janë dakorduar që inovacioni, digjitalizimi dhe modernizimi i shërbimeve të bankave duhet të mbetet një prioritet për sektorin bankar të vendit për të përmirësuar qasjen dhe efikasitetin e tyre.