Rritja e importeve kërcënon prodhimin vendas: Vlera e tyre arrin 74.8 miliardë lekë në gjashtëmujorin e parë.

Një tjetër tregues i dominimit të importit është sektori i drithërave. Ndërsa fermerët shqiptarë raportuan mbetje të grurit pa shitur, importet u rritën. Sipas INSTAT, në gjashtëmujorin e parë të këtij viti janë importuar 143 mijë tonë drithëra me një vlerë prej 4.7 miliardë lekësh, ndërsa vitin e kaluar kjo shifër ishte 109 mijë tonë, me një vlerë prej 4.5 miliardë lekësh. Nga ana tjetër, eksportet e drithërave janë minimale. Vitin e kaluar u eksportuan 151 tonë, ndërsa këtë vit vetëm 88 tonë, me vlerën e tyre që u rrit nga 7.1 milionë lekë në 17.6 milionë lekë.

Në gjashtë muajt e parë të këtij viti, janë importuar 579 mijë tonë produkte ushqimore, pije dhe duhan, një rritje prej rreth 100 mijë tonë krahasuar me të njëjtën periudhë të vitit të kaluar. Vlera e këtyre importeve arrin në 74.8 miliardë lekë, ndërsa vitin e kaluar ishte 69.2 miliardë lekë për të njëjtën periudhë. Eksportet e këtyre mallrave arritën në 242 mijë tonë këtë vit, krahasuar me 211 mijë tonë vitin e kaluar.

Vlera e eksporteve të ushqimeve, pijeve dhe duhanit gjatë gjashtëmujorit të parë të këtij viti ishte 27.6 miliardë lekë, një rënie nga 30.6 miliardë lekë të vitit të kaluar. Kjo do të thotë se kemi eksportuar me çmime më të ulëta dhe kemi shitur trefish më pak sesa kemi blerë.

Importet po zbehin prodhimin vendas, duke dominuar dukshëm në tregun shqiptar. Kjo situatë është e qartë nga të dhënat e publikuara nga Instituti i Statistikave (INSTAT) mbi tregtinë e mallrave. Këto shifra tregojnë qartë se importet po konkurrojnë ashpër prodhimin vendas, duke dominuar në tregjet dhe magazinat shqiptare.