Sejko: Ndërprerja e pagesave në euro në Shqipëri për të favorizuar përdorimin e lekut

Përdorimi i euros për pagesa brenda vendit duhet të ndalohet në mënyrë absolute.

Këtë deklaratë e bëri guvernatori Gent Sejko në Kuvend, duke shtuar se kursi i këmbimit është i paqëndrueshëm dhe i paparashikueshëm.

Sejko tha se Banka Qendrore nuk mund të garantojë stabilitetin e kursit nëse në vend hyn më shumë valutë.

Goditjet në kursin e këmbimit janë të paparashikuara dhe mund të ndryshojnë papritur, duke zhvlerësuar lekun dhe rritur vlerën e valutave.

Guvernatori i Bankës së Shqipërisë deklaroi në Kuvend se tregu i këmbimit është i paqëndrueshëm dhe se rritja e flukseve valutore në vend do ta bëjë të pamundur stabilitetin e kursit.

"Kursi i këmbimit është shumë i ndërlikuar dhe i paqëndrueshëm."

FMN ka paralajmëruar se kursi i këmbimit mund të kthehet në kahun e zhvlerësimit të lekut. Nëse flukset valutore rriten, Banka e Shqipërisë do ta ketë të pamundur të mbajë stabilitetin e kursit.

Guvernatori ka pranuar se zhvlerësimi i valutave mund të ndikohet nga paratë që vijnë nga grupet kriminale.

"Vitin e kaluar kemi pasur 6 miliardë euro të hyra formale, por nuk e kemi përjashtuar kurrë prezencën e parasë informale për shkak të nivelit të lartë të informalitetit në ekonomi. Kjo përfshin edhe paratë informale që mund të vijnë nga burimet kriminale, evazioni fiskal ose burime të tjera."

Më tej, guvernatori tha se duhet të fillojë puna për të ndaluar përdorimin e euros në vend, pasi pjesa më e madhe e pagesave të mëdha (blerje pronash apo pasurish të tjera) bëhen në euro.

"Duhet të ndalohet përdorimi i euros sa më shpejt të jetë e mundur. Ne duhet të ndalojmë përdorimin e monedhës së huaj dhe të përdorim vetëm lekun brenda territorit të Republikës së Shqipërisë."

Në raport me vitin 2022, euro është zhvlerësuar me mbi 20%, pasi nga 120 lekë në janar 2022, tani këmbehet me 100 lekë, duke sjellë miliona euro humbje për bizneset eksportuese.