Treguesi i ndjesisë ekonomike ra me 3.8 pikë në dhjetor, duke shënuar një rënie në besimin ekonomik për këtë periudhë

Treguesi i ndjesisë ekonomike (TNE) ra me 3.8 pikë në dhjetor, megjithatë ai mbetet mbi 8 pikë më shumë se mesatarja historike. Rënia e këtij treguesi u shkaktua nga përkeqësimi i besimit në të gjithë sektorët e biznesit, me rënien më të theksuar në ndërtim dhe shërbime. Po ashtu, pati një ndikim më të vogël edhe nga ulja e besimit të konsumatorëve.

Treguesi i besimit të industrisë (TBI) ra me 1 pikë përqindje në dhjetor, duke vijuar trendin rënës për të tretin muaj radhazi. Megjithatë, niveli i tij mbetet rreth 8.5 pikë mbi mesataren historike. Rënia e TBI-së u shkaktua nga vlerësimet më të ulta të bizneseve për prodhimin industrial aktual. Pritjet për çmimet dhe punësimin në të ardhmen janë rishikuar për lart krahasuar me muajin e kaluar, ashtu siç janë edhe pritjet e bizneseve për punësimin në industrinë e sektorit.

Treguesi i besimit në ndërtim (TBN) ra me 5.5 pikë përqindje në dhjetor, duke mbetur rreth 22 pikë mbi mesataren historike. Rënia e TBN-së u shkaktua nga vlerësimet më të ulta për aktivitetin aktual ndërtues dhe për kontratat porositëse. Po ashtu, pritjet për çmimet që do të vendosin ndërtuesit janë rritur, ndërsa ato për punësimin kanë shënuar një përkeqësim të lehtë.

Treguesi i besimit në shërbime (TBSH) ra me 5.5 pikë përqindje në dhjetor, megjithatë niveli i tij mbetet 16 pikë mbi mesataren historike. Rënia u shkaktua nga vlerësimet më pak optimiste të bizneseve për aktivitetin aktual dhe kërkesën. Pritjet për punësimin dhe ecurinë e çmimeve janë rishikuar për lart.

Treguesi i besimit në tregti (TBT) u ul me 3.3 pikë përqindje në dhjetor, pas një rritjeje prej 2.5 pikësh në dy muajt e mëparshëm. Niveli i tij qëndron 11 pikë mbi mesataren historike, duke u ndikua kryesisht nga vlerësimet për ecurinë aktuale të biznesit dhe pritjet për punësimin. Pritjet për çmimet janë rishikuar për lart.

Treguesi i besimit të konsumatorëve (TBK) ra me 1.7 pikë përqindje, por mbetet 2.4 pikë mbi mesataren historike. Konsumatorët vlerësuan më negativisht situatën ekonomike të vendit dhe blerjet në shuma të mëdha. Pritjet për çmimet në të ardhmen janë rishikuar për poshtë.

Në tremujorin e katërt, gjendja financiare e bizneseve ka pasur një përmirësim të lehtë, duke arritur vlera historikisht më të larta në sektorët e industrisë dhe ndërtimit. Norma e shfrytëzimit të kapaciteteve të këtyre sektorëve është rritur krahasuar me tremujorin e mëparshëm, duke qëndruar ndjeshëm mbi mesataren historike.