Më 3 maj, qyteti bregdetar i Himarës hyri në histori duke organizuar spektaklin e parë pyroteknik mbi det në Shqipëri. Nën qiellin e natës dhe përballë ujërave të qeta të Jonit, një shfaqje magjike me dritë, tinguj dhe ngjyra mbushi hapësirën me emocion dhe solli një atmosferë të papërsëritshme për qindra pjesëmarrës.

Fuqia e eventeve kulturore në promovimin e turizmit

Ky event nuk është vetëm një sukses estetik, por një hap i rëndësishëm për të orientuar Shqipërinë drejt një turizmi më kreativ dhe ndërkombëtar. Shembulli i festivalit të famshëm të fishekzjarrëve në Cannes, Francë – i cili çdo verë mbledh trupa arti-pyroteknike nga e gjithë bota, tërheq mijëra vizitorë dhe ekspozon qytetin në mediat ndërkombëtare – tregon fuqinë që kanë këto evente për të promovuar një destinacion. Cannes, përmes këtij festivali, ka krijuar një identitet të fortë kulturor dhe turistik, i njohur përtej kufijve të Francës.

Himara si portë e re drejt turizmit modern evropian

Në të njëjtën frymë, Himara, përmes këtij hapi të parë, jep një mesazh të qartë: “Shqipëria është gati të ofrojë përvoja të jashtëzakonshme dhe të jetë pjesë e skenës moderne evropiane të eventeve. Ngjarje të tilla rrisin profilin e vendit, tërheqin vëmendjen e mediave dhe krijojnë mundësi konkrete për zhvillim ekonomik lokal – nga akomodimi dhe gastronomia, deri te promovimi ndërkombëtar i destinacioneve tona.”

Vizioni që ndezi dritat e para mbi det

Falë vizionit të Bashkisë së Himarës dhe Kryetarit të saj Z. Vangjel TAVO, Shqipëria hodhi një hap të guximshëm drejt një imazhi të ri dhe dinamik. Dhe ndërsa të tjerë mund të ndjekin këtë rrugë në të ardhmen, historia do të kujtojë se ishte Himara që nisi e para.

Ministrja e Bujqësisë dhe Zhvillimit Rural, Anila Denaj, së bashku me kreun e grupit parlamentar Bledi Çuçin dhe kryetarin e Bashkisë Sarandë, Oltion Çaçi, morën pjesë në një takim me operatorët kryesorë të turizmit në Sarandë, ku u diskutua mbyllja e sezonit turistik veror. Ky vit ka qenë më i suksesshëm krahasuar me atë të mëparshëm, jo vetëm në aspektin e rritjes së numrit të turistëve, por edhe në përmirësimin e standardeve të shërbimit.

Gjatë takimit, Ministrja Denaj dhe zyrtarët e pranishëm falënderuan operatorët turistikë për përkushtimin dhe punën e tyre gjatë gjithë vitit, duke nënvizuar rëndësinë e bashkëpunimit të ngushtë midis qeverisë dhe sektorit privat për të garantuar një përvojë të shkëlqyer për vizitorët.

Në vijim, Denaj theksoi se Saranda do të mbetet një nga destinacionet kryesore të Shqipërisë dhe do të ketë gjithmonë vëmendjen e duhur nga qeverisja qendrore dhe lokale. Ajo premtoi më shumë investime dhe politika zhvillimore për këtë zonë, me synim për ta bërë atë gjithnjë e më tërheqëse për turistët vendas dhe të huaj, duke garantuar zhvillim të qëndrueshëm dhe të qëndrueshëm ekonomik për komunitetin lokal.

Paraditen e sotme, Kryeministri Edi Rama ka shpërndarë disa foto nga mbërritja e kroçerës “Seven Seas Voyager” në portin e Durrësit. Kjo anije luksoze ka sjellë 636 turistë nga vende të ndryshme të botës, prej të cilëve 450 janë amerikanë.

Kroçera “Seven Seas Voyager” ka vizituar Durrësin edhe më parë, dhe sipas autoriteteve portuale, deri tani janë ankoruar 14 kroçiera dhe 450 jahte në këtë port, duke shënuar një rritje prej 20% krahasuar me të njëjtën periudhë të vitit të kaluar.

Për më tepër, prenotimet për ankorime në Durrës për vitin 2025 kanë nisur që tani, dhe pritet që të ketë një rritje të ndjeshme krahasuar me vitin 2024. Veç qytetit bregdetar, turistët kanë mundësinë të vizitojnë edhe qytetin e Tiranës dhe Krujës, duke kontribuar në rritjen e turizmit në vend.

Ky zhvillim tregon për përmirësimin e infrastrukturës turistike dhe interesin në rritje për Shqipërinë si destinacion turistik, si dhe nxitjen e aktiviteteve ekonomike në rajon.